ہتھنی کی موت کا معاملہ سپریم کورٹ پہنچا، جلد سماعت متوقع

ریاست کیرالا کے ضلع کے ایک علاقے میں حاملہ ہتھنی کو پٹاخے سے بھرے انناس کھلا کر بے رحمانہ قتل کیا گیا۔

کیرالہ کے ایک گاؤں میں حاملہ ہتھنی کی ہونے والی بے رحم موت کا معاملہ عدالت تک پہنچ گیا ہے، جس پر فوری سماعت کا امکان ہے۔

پیشے سے وکیل اودھ بہاری کوشک نے عرضی دائر کرکے معاملے کی جانچ عدالت کی نگرانی میں مرکزی تفتیشی بیورو (سی بی آئی) یا خصوصی تفتیشی ٹیم (ایس آئی ٹی) سے کرانے کا مطالبہ کیا ہے۔

درخواست گزار کا کہنا ہے کہ یہ کوئی پہلا واقعہ نہیں ہے، بلکہ کیرالہ میں ایسا واقعہ پہلے بھی ہوتے رہے ہیں۔ موجودہ صورت میں جس طرح حاملہ ہتھنی کی پٹاخے سے بھرے انناس کھلا کر بے رحمانہ قتل کیا گیا، وہ خوفناک، المناک، سفاکانہ اور غیر انسانی فعل ہے اور عدالت عظمی کو اس میں دخل دینا چاہئے۔