اجتماعی آبروریزی معاملے میں تین مائگرینٹ مزدور گرفتار

ریاست کیرالہ کے ارناکولم ضلع کے منجومیل میں گزشتہ مارچ میں 14 سالہ لڑکی کے ساتھ اجتماعی آبروریزی کے معاملے میں پولس نے تین غیر مقیم مزدوروں کو گرفتار کیا ہے۔

گرفتار ملزموں کی شناخت اترپردیش کے رہنے والے شاہد (24)، فرہاد خان (29) اور حنیف (28) کے طور پر ہوئی ہے جبکہ تین دیگر ملزمان ریاست سے باہر فرار ہوگئے ہیں۔

پولس نے بتایا کہ ملزموں نے لڑکی کے ساتھ مارچ میں اس کے گھر میں آبروریزی کی تھی۔ اس کے بعدلڑکی کو دھمکی دی گئی اور اسے مزدوروں کی رہائش گاہ سمیت مختلف مقامات پر لے جایا گیا۔ اس دوران خبر آئی کہ متاثرہ ڈیڑھ مہینے کی حاملہ ہے۔ متاثرہ کے اہل خانہ کی شکایت درج کرانے کے بعد پولس نے معاملہ درج کیا تھا۔