کیرالہ: ہزاروں مساجد میں قومی پرچم لہرایا گیا

یوم جمہوریہ کے موقع پر کیرالہ کے تقریبا 10 ہزار مساجد اور مذہبی اداروں میں قومی پرچم لہرایا گیا۔

کٹیڈی جمعہ مسجد کمیٹی کے سکریٹری کے بشیر نے کہا کہ ' وقف بورڈ کی ہدایت کے مطابق اس اچھے موقع پر ریاست بھر کی 10 ہزار مساجد میں قومی پرچم لہرایا گیا۔'

بشیر نے کہا کہ' شہریت ترمیمی ایکٹ کے ذریعہ آئین کو خطرہ لاحق ہے ہم بھی یکجہتی کے ساتھ دستور کی تجویز پڑھتے ہیں۔'

وہیں یوم جمہوریہ کے موقع پر دہلی کے مختلف مقامات پر پرچم کشائی کی گئی۔ اس دوران شاہین باغ کے مظاہرین، جو شہریت ترمیمی قانون، این پی آر اور این آر سی کے خلاف احتجاجی مظاہرے پر بیٹھے ہیںنے 54 فٹ اونچا ترنگا پھہرا کر لوگوں کو ایک بار پھر اپنی طرف متوجہ کیا ہے۔