ڈی ایم کے، کانگریس جھوٹ پھیلانے کے فن کے استاد: مودی

مودی نے الزام لگایا کہ ڈی ایم کے اور کانگریس کے پاس بات کرنے کے لیے کوئی حقیقی مسئلہ نہیں ہے۔ ان لوگوں کو جھوٹ بولنا بند کرنا چاہیے کیونکہ عوام بیوقوف نہیں ہے۔

وزیر اعظم نریندر مودی نے جمعہ کو دروڑ مونیترکژگم (ڈی ایم کے) اور اس کی اتحادی کانگریس کو تنقید کا نشانہ بناتے ہوئے کہا کہ یہ دونوں پارٹیاں کام نہ کرنے اور جو لوگ حقیقت میں کام کرتے ہیں، ان کے بارے میں جھوٹ پھیلانے کے فن میں ماہر ہیں۔

مسٹر مودی نے ریاست میں چھ اپریل کو ہونے والے اسمبلی انتخابات کے تعلق سے آج یہاں انتخابی ریلی سے خطاب کرتے ہوئے کہا 'کانگریس کی زیر قیادت متحدہ پروگریسو الائنس (یو پی اے)، جس کی اتحادی پارٹی ڈی ایم کے ہے، نے جلیکٹو پر پابندی لگائی تھی، جبکہ تمل ناڈو کی آل انڈیا انا دروڑ مونیتر کژگم ( اے آئی اے ڈی ایم کے) حکومت اور بھارتیہ جنتا پارٹی (بی جے پی) کی زیرقیادت مرکز کی قومی جمہوری اتحاد (این ڈی اے) حکومت نے اسے دوبارہ شروع کیا'۔

انہوں نے الزام لگایا کہ ڈی ایم کے اور کانگریس کے پاس بات کرنے کے لئے کوئی حقیقی مسئلہ نہیں ہے۔ ان لوگوں کو جھوٹ بولنا بند کرنا چاہیے کیونکہ عوام بیوقوف نہیں ہے۔

وزیراعظم نے کہا، ’’کانگریس-ڈی ایم کے خود کو ایسا دکھا رہے ہیں کہ تمل ناڈو کی ثقافت کے صرف وہی محافظ ہیں، لیکن حقیقت کچھ اور ہے۔