پڈوچیری میں کورونا کے 141 نئے معاملوں کی تصدیق

پڈوچیری میں گذشتہ 24 گھنٹے کے دوران کورونا وائرس کے 141 نئے کیسز سامنے آنے کے بعد متاثرین کی تعداد 1182 ہوگئی ہے۔ اس درمیان کانگریس کے جنرل سکریٹری وی بالن سمیت چار مریضوں کی اس بیماری سے موت ہوگئی ہے۔

محکمہ صحت کے اعداد و شمار کے مطابق پڈوچیری علاقہ میں آج کورونا وائرس کے 130 نئے معاملے آئے جبکہ ینم علاقہ میں 11 معاملے آئے ہیں۔ کورونا متاثرین 86 افراد کو سرکاری ہسپتال میں داخل کرایا گیا ہے جس میں جمپر میں 40، کووڈ کیئر سینٹر میں چار اور ینم سرکاری ہسپتال میں 11 مریضوں کو رکھا گیا ہے۔

گذشتہ 24 گھنٹے میں 62 مریضوں کی صحتیابی کے بعد چھٹی کر دی گئی ہے۔ پڈوچیری میں اب تک 3011 مریض اس بیمار سے متاثر ہوچکے ہیں اور 1782 مریض صحتیاب ہوچکے ہیں۔ اس بیماری سے 47 افراد دم توڑ چکے ہیں۔