کٹھوعہ میں گاؤں والوں کا آنے والے انتخابات کا بائیکاٹ

کٹھوعہ کے برنوٹی بلاک میں سڑک کی مرمت نہ ہونے وجہ سے لوگوں کو کافی مشکلات کا سامنا کرنا پڑ رہا ہے۔ جس کو لے کر پورے گاؤں میں انتخابی بائیکاٹ کے پوسٹر چسپاں کر دیے گئے ہیں۔

جموں و کشمیر کے ضلع کٹھوعہ کے برنوٹی بلاک میں 5000 کی آبادی والا سب سے بڑا گاؤں بروال کو گزشتہ 13 ماہ سے ریلوے انڈر بائی پاس کی وجہ سے مشکلات کا سامنا کرنا پڑ رہا ہے۔

لوگوں کا کہنا ہے کہ جب سے بی جے پی حکومت آئی ہے تب سے ترقی تو دور کی بات ہے جو کچھ گاؤں والوں کے پاس تھا وہ چھینا جا رہا ہے۔

گزشتہ 13 ماہ سے ایک سڑک جو بروال شاہراہ سے ملانے والی واحد سڑک، اسی راستے میں ریلوے کے انڈر بائی پاس کا کام لٹکا ہوا ہے۔ جس کی وجہ سے گاؤں والوں کو بہت پریشانی کا سامنا کرنا پڑ رہا ہے۔

حالانکہ انہوں نے کئی بار انتظامیہ سے بھی اپیل کی ہے لیکن انتظامیہ نے ابھی تک نہیں سنی ہے۔

پچھلے انتخابات میں بی جے پی کو اسی گاؤں سے 95 فیصد ووٹ ملے تھے لیکن کوئی بھی رہنما گزشتہ 13 مہینوں سے گاؤں میں ہو رہے پریشانیوں کا جائزہ لینے نہیں آئے۔

اسی مسئلے کو لے کر پورے گاؤں میں انتخابی بائیکاٹ کے پوسٹر چسپاں کر دیے گئے۔