Three Dead Body Recovered in Kathua کٹھوعہ میں تین طالب علموں کی لاشیں دریا سے برآمد

جموں کے کٹھوعہ ضلع کے بلاور علاقے میں جمعے کے روز تین طالب علموں کی لاشیں برآمد ہوئیں۔ معلوم ہوا ہے کہ مذکورہ طالب علم گزشتہ روز پُر اسرار طور پر لاپتہ ہو گئے تھے۔Three Dead Body Recovered in Kathua

کٹھوعہ :جموں وکشمیر کے ضلع کٹھوعہ کے بلاور علاقے میں گیارہویں جماعت میں زیر تعلیم تین طالب علموں کی لاشیں برآمد ہوئی۔معلوم ہوا ہے کہ مذکورہ طالب علم گزشتہ روز پُر اسرار طور پر لاپتہ ہو گئے تھے۔Students Missing In kathua
اطلاعات کے مطابق جموں کے کٹھوعہ ضلع کے بلاور علاقے میں جمعے کے روز اُس وقت سراسیمگی دوڑ گئی جب یہاں پر تین طالب علموں کی لاشیں برآمد ہوئیں۔مذکورہ طالب علم جمعرات کے روز گھر سے اسکول کی طرف گئے اور جب دیر رات تک وہ گھر نہیں پہنچے تو اہل خانہ نے پولیس میں گمشدگی کی رپورٹ درج کی۔

ذرائع نے بتایا کہ جمعے کے روز پولیس نے لاپتہ طالب علموں کی تلاش شروع کی اور بعد دوپہر بلاور کے بینی دریا کے نزدیک لاپتہ طالب علموں کی لاشیں برآمد کی گئی۔متوفین کی شناخت شیتل کمار ولد اجیت کمار،پنکج شرما ولد رومیش چندر اور پنکج شرما ولد روشن لال کے بطور ہوئی ہے۔

پولیس ذرائع کا کہنا ہے کہ تینوں کی کیسے موت واقع ہوئی اس کی جانچ پڑتال شروع کی گئی ہے۔انہوں نے بتایا کہ طبی اور قانونی لوازمات پورے کرنے کے بعد لاشیں وارثین کے سپرد کی جائے گی۔