جموں: پاکستانی ڈورن نظر آنے کے بعد فوج اور دیگر سکیورٹی فورسز نے جموں و کشمیر کے ضلع کٹھوعہ میں بین الاقوامی سرحد پر کئی دیہات میں بڑے پیمانے پر تلاشی آپریشن شروع کر دیا ہے۔ پولیس ذرائع نے بتایا کہ کٹھوعہ کے ہیرا نگر علاقے میں بین الاقوامی سرحد کے نزدیک مقامی لوگوں نے پاکستانی ڈرون کی نقل و حرکت دیکھی۔ Pakistani Drone Spotted in Kathua
انہوں نے کہا کہ ڈورن کے ذریعے اسلحہ ڈالنے کے شک پر سیکورٹی فورسز نے جمعہ کو بین الاقوامی سرحد کے متصل کئی دیہات میں تلاشی آپریشن شروع کر دیا۔ معلوم ہوا ہے کہ ایل او سی کے نزدیک تالی گاوں کے لوگوں نے سیکورٹی فورسز کو اطلاع فراہم کی کہ انہوں نے جمعرات کی شام کو ایک ڈرون دیکھا۔ان کا کہنا تھا کہ علاقے میں تلاشی آپریشن جاری ہے تاہم فی الوقت سیکورٹی فورسز کو کوئی بھی شئی ہاتھ نہیں آئی ہے۔