پاکستانی فوج کی گولہ باری میں ایک بھارتی زخمی

پاکستانی فوج نے کٹھوعہ کے ہیرا نگر سیکٹر کے رہائشی علاقوں کو نشانہ بنا کر چھوٹے ہتھیار اور مورٹار سے گولہ باری کی۔

پاکستان نے جنگ بندی کی خلاف ورزی کرتے ہوئے کٹھوعہ کے ہیرا نگر سیکٹر کے پڑھتی منیہاری میں گولہ باری کی جس میں ایک مقامی شخص زخمی ہو گیا ہے۔

اطلاعات کے مطابق آج صبح پاکستانی فوج نے کٹھوعہ کے ہیرا نگر سیکٹر کے رہائشی علاقوں کو نشانہ بنا کر چھوٹے ہتھیار اور مورٹار سے گولہ باری کی۔

پاکستان کی جانب سے کی گئی گولہ باری سے زخمی ہوئے شخص کی پہچان منیہاری ہیرا نگر باشندہ رمیش چندر ولد سنسار چند کے طور پر ہوئی ہے، جسے علاج کے لئے کٹھوعہ ضلع اسپتال پہنچایا گیا جہاں سے پھر اسے کورنمنٹ میڈیکل کالج کٹھوعہ منتقل کیا گیا۔