مان سنگھ اور رگھو نندن سنگھ ببلو کٹھوعہ کے پہلے چئیرمین اور نائب چیئرمین منتخب

آج ضلع کٹھوعہ ڈسٹرکٹ سیکرٹریٹ میں ڈسٹرکٹ ڈیولپمنٹ کونسل کے چیئرمین کے لیے ووٹنگ ہوئی، جہاں کرنل مان سنگھ بطور چیئرمین منتخب ہوئے اور رگھو نندن سنگھ ببلو کو وائس چیئرمین منتخب کیا گیا۔

ڈسٹرکٹ ڈپٹی کمشنر او پی بھگت نے کٹھوعہ کے نو منتخب چیئرمین اور وائس چیئرمین کو حلف دلائی۔ کرنل مان سنگھ اور رگھو نندن سنگھ ببلو نے جیت کے بعد ریلی نکال کر اہل شہر کا شکریہ ادا کیا۔ اس موقع پر بی جے پی کے سینئر رہنما یودھ ویر سیٹھی بھی موجود تھے۔

صحافیوں سے بات کرتے ہوئے مان سنگھ نے کہا کہ' یہ ان کے لیے سعادت کی بات ہے کہ جموں و کشمیر کے پہلے ڈی ڈی اسی انتخابات میں انہیں چیئرمین بن کر لوگوں کی خدمت کرنے کا موقع ملا۔'

یودھ ویر سیٹھی نے کہا کہ' وزیر اعظم نریندر نے اعلان کیا تھا کہ وہ جموں و کشمیر میں پنچایتی راج قائم کریں گے۔ جس کا انہوں نے وعدہ کیا تھا، اسے پورا کیا۔

انہوں نے دیگر پارٹیوں پر تنقید کرتے ہوئے کہا کہ' کشمیر کے کچھ رہنما جو اس 3 ٹائر سسٹم کی مخالفت کرتے تھے۔ اب انہیں یقین ہے کہ وہ آئندہ اسمبلی انتخابات میں حصہ لیں گے۔'