بھارت ۔ پاکستان سرحدی علاقوں میں کھیتی شروع

بھارت پاکستان کے سرحدی علاقوں میں حالات کافی حساس رہتے ہیں۔ ان علاقوں میں گزشتہ کئی برسوں سے کھیتی نہیں ہوتی تھی لیکن انتظامیہ کی ہدایت پر اب ان علاقوں میں کھیتی شروع ہو گئی ہے۔

ضلع کٹھوعہ کے ہیرا نگر علاقے میں بھارت پاکستان کی سرحد کے پاس تاربندی کے آگے گزشتہ کئی برسوں سے کھیتی نہیں ہوتی تھی لیکن اس برس تاربندی کے آگے کی زمین پر فوج نے کھیتی کی۔

جموں و کشمیر کے لیفٹیننٹ گورنر منوج سنہا کے حکم پر آج ضلع کے ڈپٹی کمشنر راہل یادو نے اپنی دیکھ ریکھ میں ہیرا نگر علاقہ میں تاربندی کے آگے اگائی گئی گیہوں کی فصل کی کٹائی شروع کرائی۔

یہ کٹائی سرحد پر رہنے والے کسانوں کے لیے ایک پیغام ہے کہ وہ تاربندی کے آگے اپنی زمینوں میں کھیتی کر سکتے ہیں۔