گذشتہ روز کٹھوعہ کے ایک قرنطین سینٹرز میں ایک شخص کی مشکوک حالات میں موت ہوگئی، حالانکہ مرنے والے شخص کی پوسٹ مارٹم ہوچکی ہے لیکن اس کی رپورٹ آنا ابھی باقی ہے۔
کیوں کہ مذکورہ شخص کی موت قرنطین سینٹر میں ہوئی اس لیے لوگون کو اندیشہ ہے کہ شاید اس کی موت کووڈ۔19 کی وجہ سے ہوئی ہے اس پر لوگوں میں بے چینی پائی جارہی ہے اور لوگوں میں خوف پایا جارہا ہے۔
انتظامیہ کو قرنطین سنٹر میں ایک شخص کی مرنے کی اطلاع ملی تو لاش کو لینے کے لیے ایک ایمبولنس قرنطین سنٹر پہنچی۔ جہاں قرنطین سنٹر میں مقیم لوگوں نے ضلع انتظامیہ کے خلاف احتجاج شروع کردیا۔
لوگوں کا کہنا ہے کہ' ان کی منفی رپورٹ آنے کے بعد بھی انہیں قرنطین سے واپس گھر نہیں بھیجا جارہا ہے، یہاں لوگ کووڈ۔19 سے مر رہے ہیں لیکن انتظامیہ انہیں گھر جانے نہیں دے رہی ہے۔
مزید اگر اس شخص کی کووڈ ۔19 کی وجہ سے موت ہوئی ہے تو اب انہیں بھی کورونا کا خطرہ ہے۔
