لکھن پور میں آرمی ہیلی کاپٹر حادثہ کا شکار، ایک پائیلٹ ہلاک

بتایا جاتا ہے کہ تکنیکی خرابی کے سبب لکھن پور کے آرمی ایریا میں ہیلی کاپٹر کو حادثہ پیش آیا۔

جموں و کشمیر کے کٹھوعہ ضلع میں آرمی ہیلی کاپٹر کریش ہو گیا ہے، اس دوران ایک پائیلٹ ہلاک ہوگیا ہے۔

اطلاعات کے مطابق کٹھوعہ کے لکھن پور میں فوج کا ایک ہیلی کاپٹر گر کر تباہ ہو گیا ہے۔ حادثہ میں دو پائلٹ شدید زخمی ہو گئے ہیں جن میں سے ایک دھم توڑ گیا جبکہ دیگر ایک پائلٹ کی حالت نازک بنی ہوئی ہے۔ زخمیوں کو پٹھان کوٹ ملٹری ہسپتال منتقل کیا گیا جہاں ایک پائلٹ زخموں سے جانبر نہ ہو سکا۔ بتایا جاتا ہے کہ تکنیکی خرابی کے سبب لکھن پور کے آرمی ایریا میں ہیلی کاپٹر کو حادثہ پیش آیا۔

فوج اور سیول انتظامیہ کے عہدیدار موقع پر پہنچ چکے ہیں اور حالات کا جائزہ لیا جا رہا ہے۔