Road Accident in Kathua: کٹھوعہ میں سڑک حادثہ، تین افراد ہلاک، چھ مسافر زخمی

جموں و کشمیر کے ضلع کٹھوعہ کے بلاور علاقے میں مسافر بردار گاڑی ڈرائیور کے قابو سے باہر ہو کر تین سو فٹ گہری کھائی میں جاگری۔ حادثہ میں تین افراد ہلاک جب کہ چھ افراد شدید زخمی ہوگئے۔ Road Accident in Kathua

جموں:جموں وکشمیر کے ضلع کٹھوعہ کے بلاور علاقے میں مسافر بردار گاڑی ڈرائیور کے قابو سے باہر ہو کر گہری کھائی میں جاگری۔ حادثہ میں تین مسافروں کی موقع پر ہی موت ہو گئی جب کہ 6 کو علاج و معالجہ کی خاطر نزدیکی ہسپتال منتقل کیا گیا۔ سرکاری ذرائع نے بتایا کہ جمعے کے روز ضلع کٹھوعہ کے بلاور علاقے میں بگان کاٹلی کے نزدیک ڈرائیور موڑ کاٹنے کی کوشش کے دوران گاڑی پر قابو نہ رکھ سکا جس وجہ سے گاڑی تین سو فٹ گہری کھائی میں جاگری۔ Road Accident in Kathua

انہوں نے بتایا کہ حادثے کی اطلاع ملتے ہی پولیس اور مقامی لوگوں نے ریسکیو آپریشن شروع کیا اور زخمیوں کو فوری طور پر نزدیکی ہسپتال پہنچایا جہاں پر موجود ڈاکٹروں نے تین مسافروں کو مردہ قرار دیا۔ سرکاری ذرائع نے بتایا کہ حادثے میں زخمی ہوئے چھ مسافروں کی حالت بھی تشویشناک بنی ہوئی ہے۔ پولیس نے معاملے کی نسبت کیس درج کر کے مزید تحقیقات شروع کر دی ہے۔

(یو این آئی)