یادگیر ٹرانسپورٹ کارپوریشن کی تمام بسیں منسوخ

کرناٹک روڈ ٹرانسپورٹ کارپوریشن کے تحت چلائی جانے والی بس خدمات کو کورونا وائرس سے پیدا شدہ خطرات کے پیش نظر منسوخ کرنے کا فیصلہ کیا گیا ہے۔

ریاست کرناٹک کے ضلع یادگیر ٹرانسپورٹ کارپوریشن کے ڈیپو مینجر پروین نے ای ٹی وی بھارت سے بات کرتے ہوئے بتایا کہ 'یادگیر ڈپو سے 113 بسیں چلتی ہے لیکن کورونا وائرس کے سبب ان تمام بسوں کو منسوخ کر دیا گیا ہے۔

یہ بسیں مہاراشٹر، آندھراپردیش، تلنگانہ اور ریاست کے مختلف علاقوں میں چلائی جاتی تھیں، جس میں روزانہ چلائے جانے والی بسوں کے علاوہ ہفتہ وار بسوں کی خدمات کو بھی ملتوی کیا گیا ہے۔

یادگیر ڈپو کے تحت چلائی جانے والی بسوں کی روزانہ کی آمدنی 10 سے 12 لاکھ روپے ہوتی تھی۔

ڈپو مینجر نے عوام سے اپیل کی کہ 'ملک میں چل رہے لاک ڈاون کے احکامات کے تحت گھروں پر رہنے کو ترجیح دیں اور چند ہفتوں کے لیے کسی بھی طرح کے سفر نہ کریں۔