یادگیر: پٹرول اور ڈیزل کی بڑھتی قیمت کے خلاف احتیاج

ریاست کرناٹک کے ضلع یادگیر میں ایندھن کی قیمتوں میں اضافے کے خلاف کانگریس پارٹی اور یوتھ کانگریس نے شہر کے ڈپٹی کمشنر کے دفتر کے سامنے احتجاج کیا۔

ضلع میں کانگریس نے پیٹرول اور ڈیزل کی قیمتوں میں مسلسل اضافے کی مذمت کرتے ہوئے ڈپٹی کمشنر کو میمورنڈم دیا گیا ہے۔

اس میمورنڈم میں صدر جمہوریہ ہند سے مطالبہ کیا گیا کہ کورونا وائرس سے عوام مشکلات کا سامنا کر رہی ہے لیکن مرکزی حکومت عوام کو پٹرول اور ڈیزل کی قیمتوں میں اضافے کرکے مزید بوجھ ڈال رہی ہے۔لاک ڈاؤن کی وجہ سے عوام کافی پریشان ہے اس لیے مرکزی حکومت سے اپیل کی جاتی ہے کہ ڈیزل اور پٹرول کی قیمتوں کو کم کریں۔

اس موقع پر سابقہ رکن قانون ساز کونسل چنا ریڈی، ضلع یادگیر کانگریس صدر میری گوڈا، سرینواس ریڈی ضلع مہلا صدرمنجولا ، ضلع میناریٹی صدر لائق حسین بادل، ڈسٹرکٹ وقف ایڈوائزری کمیٹی کے چیئرمین غلام جیلانی افغان، یادگیر ضلع یوتھ کانگریس صدر عبدالرزاق، یادگیر سٹی کانگریس صدر عرفان بادل کے علاوہ دیگر کانگریسی قائدین موجود تھے۔