یادگیرمیں کوئز اور ڈرائنگ مقابلے، طلبہ کو سند دی گئی

سینئر کانگریس رہنما سابق رکن قانون ساز کونسل تنور چنا ریڈی کے ہاتھوں مقابلہ جات میں کامیاب طالبات کو سند اور میڈل سے نوازا گیا۔

کرناٹک کے ضلع یادگیر میں واقع صبا کالج میں ماہ ربیع الاول کے موقع پر نیشنل ستیہ وادی ہیومن رائٹس یادگیر کی جانب سے طلباء وطالبات میں کوئز اور ڈرائنگ کمپٹیشن کا انعقاد عمل میں آیا۔

اس موقع پر شہر کے مختلف اسکولوں کے طلبا و طالبات نے ان مقابلہ جات میں حصہ لیا۔طالبہ نور بانو کوئز اور محمد ادیبہ ڈرائنگ مقابلہ جات میں پہلا مقام حاصل کیا۔ جبکہ گلناز جہاں نے ڈرائنگ مقابلہ میں دوسرا مقام حاصل کرتے ہوئے کامیابی حاصل کی۔

تقسیم اسناد پروگرام میں سابقہ قانون ساز کونسل رکن تنور چنا ریڈی سینئر کانگریس رہنما کے ہاتھوں مقابلہ جات میں کامیاب طالبات کو سند اور میڈل سے نوازا گیا۔

اس موقع پر طالبہ نور بانو نے کہا کہ ہمیں اس مقابلہ جات میں حصہ لے کر اچھا لگا ہم انتظامیہ کا شکریہ ادا کرتے ہیں۔

محمدی ادیبہ نے کہا کہ 'میری اس کامیابی میں اساتذہ کا اہم رول ہے میں ہمارے اسکول کے ٹیچرز کا شکریہ ادا کرتی ہوں۔' گلناز جہاں نے کہا کہ اس طرح کے مقابلہ جات سے انھیں کافی حوصلہ ملتا ہے۔