یادگیر: خواتین پر ظلم وزیادتی کےواقعات کے خلاف احتجاج

عرفان بادل نے کہا مرکزی حکومت بیٹی بچاؤ بیٹی پڑھاؤ کا نعرہ لگاتی ہے مگر بیٹیوں کی حفاظت میں وہ بری طرح ناکام ہے۔

کرناٹک کے ضلع یادگیر میں تنظیم اتحاد ملت یادگیر کی جانب سے ملک میں خواتین پر ہونے والے ظلم کے خلاف ڈپٹی کمشنر آفس کے روبرو احتجاج کیا گیا۔

اس موقع پر سابق قانون ساز کونسل کے رکن تنور چنا ریڈی، مولانا مشتاق احمد، مولانا عبدالمنان، برہان الدین صدر تنظیم تحفظ ختم نبوت یادگیر، انور پٹیل صدر انجمن رضائے مصطفی، محمد محبوب رکن بلدیہ، سینئر سماجی کارکن باشو میاں، تجمل حسین، شہباز جاگیردار، صدام حسین کے علاوہ دیگر خواتین نے بھی اس احتجاجی اجلاس میں شرکت کی۔

اس موقع پر خطاب کرتے ہوئے کانگریس رہنما عرفان بادل نے کہا کہ مرکزی حکومت بیٹی بچاؤ بیٹی پڑھاؤ کا نعرہ لگاتی ہے مگر بیٹیوں کی حفاظت میں وہ بری طرح ناکام ہے۔

آئے دن ملک میں خواتین پر ہو رہے ظلم زبردستی اور قتل کے واقعات کو روکنے میں مرکزی حکومت پوری طرح ناکام ہو چکی ہے۔

اس موقع پر تنظیم اتحاد ملت کے صدر ایڈوکیٹ عبدالرزاق نے ایڈیشنل ڈپٹی کمشنر شنکر گوڑا کو یادداشت پڑھ کر سنایا اور ان سے اپیل کی کہ اس یادداشت کو صدر جمہوریہ ہند تک پہنچائیں۔اس موقع پر دیگر احباب نے بھی خطاب کیا۔تنظیم اتحاد ملت کے ذمہ داران کے علاوہ دیگر تنظیموں کے رہنماوں نے بھی احتجاجی ریلی میں شرکت کی۔