یادگیر: نالیوں کا پانی سڑکوں پر بہنے سے لوگ پریشان

ریا ست کرناٹک کے شہر یادگیر کے بلدیہ حلقہ 19 اور 20 میں نالیوں کا گندہ پانی سڑکوں پر بہنے سے مقامی لوگوں کو مشکلات کا سامنا کرنا پڑرہا ہے۔

برسات کے موسم میں عموماً مختلف اقسام کی بیماریاں پھیلتی ہیں۔ تاہم اس موسم میں اگر محکمہ بلدیہ کی جانب سے غفلت برتی جاتی ہے تو لوگوں کو مزید مشکلات کا سامناکرنا پڑتا ہے ۔

محکمہ بلدیہ کی جانب سے عوام سے بار ہا اپنے مکان اور قرب و جوار کے علاقوں کو صاف رکھنے کی اپیل کی جاتی ہے۔ اس کے علاوہ محکمہ صحت کی جانب سے اس موسم میں پھیلنے والی بیماریوں سے محفوظ رہنے کے لیے عوام سے احتیاط برتنے کی اپیل کی جاتی ہے۔

ریاست کرناٹک کے شہر یادگیرکے بلدیہ حلقہ 19 اور 20 میں نالیوں سے گندہ پانی سڑکوں پر آنے کی عام شکایت ہے۔

محکمہ بلدیہ کی جانب سے نالیوں کی مکمل صفائی نہ ہونے کی وجہ سے نالیوں کا گندا پانی سڑکوں پر بہ رہا ہے ۔ جس کی وجہ سے مسافروں کو پریشانیوں کا سامنا کرنا پڑتا ہے۔

نالیوں کا گندا پانی سڑکوں پر بہنے کی وجہ سے مقامی لوگوں کو آمدو رفت میں دشواری پیش آرہی ہے۔

مقامی باشندہ نے میڈیا سے بات کرتے ہوئے محکمہ بلدیہ کے ذمہ داران سے اپیل کی ہے کہ بلدیہ حلقہ 19 اور 20 میں نالیوں کی مکمل صفائی کی جائے تاکہ نالیوں سے بہنے والا گندے پانی سے نجات مل سکے۔

مزید پڑھیں :قصبہ پانپور میں ڈرینیج سسٹم ناکارہ، لوگوں کو دقتوں کا سامنا

نالیوں کی مکمل صفائی نہ ہونے کی وجہ سے کچرا جمع ہو جاتا ہے۔ اور پانی کی نکاسی نہ ہونے کی وجہ سے پانی سڑکوں پر آ جاتا ہے۔ جس سے عوام کو چلنے پھرنے میں کافی مشکلات پیش آتی ہیں۔