یاد گیر :وقف زمینوں کے تحفظ کے لئے ایک روزہ بھوک ہڑتال

ریاست کرناٹک کے ضلع یادگیر کی سماجی و فلاحی تنظیم ٹیپو سلطان یوتھ کمیٹی کے ریاستی صدر ارشد دکنی نے ای ٹی وی بھارت سے بات کرتے ہوئے کہا کہ ٹیپو سلطان یوتھ کمیٹی یادگیر کی جانب سے گزشتہ چھ ماہ سے واقف بورڈ کی زمینوں پر ناجائز قبضہ کو ہٹانے کے لیے مسلسل کوشش اور جدوجہد کی جا رہی ہے۔

ارشد دکنی نے کہا کہ اس مہم میں بورڈ آفس اور ضلعی انتظامیہ کا تعاون انہیں حاصل ہے ۔

انہوں نے کہا کہ ضلع میں کئی سو ایکڑ زمین پر ناجائز قبضہ جات ہیں۔ اور زمین کے کئی حصوں کوتو فروخت بھی کیا گیا ہے۔ لہذا ایسے زمینوں کو دوبارہ وقف میں اندراج کروانا ہی ان کا واحد مقصد ہے ۔

ا نہوں نے کہا کہ ابے تمکور کی زمین کی رجسٹریشن کو منسوخ کرنے کے لئے 27 جنوری 2021 کو روبرو ڈپٹی کمشنر آفس یادگیر میں ایک روزہ بھوک ہڑتال رکھی جا رہی ہے


انہوں نے تمام غیر سیاسی تنظیموں کے ذمہ داران علمائے کرام اور عوام سے اپیل کی کہ وقف کی زمینوں کو بچانے کے لیے ایک روزہ بھوک ہڑتال میں شرکت کرتے ہوئے اس پروگرام کو کامیاب بنائیں