یادگیر: وڈگرہ کےسرکاری اسپتال میں طبی عملہ کی کمی

ریاست کرناٹک کے ضلع یادگیر کے تعلقہ وڈگرہ کے سرکاری اسپتال میں طبی عملہ کی کمی ہے۔ مذکورہ اسپتال میں صرف کورونا وائرس ٹیسٹ کی سہولت موجود ہے۔

ریاست کرناٹک کے ضلع یادگیر کے تعلقہ وڈگرہ کے سرکاری ہسپتال میں طبی عملہ کی کمی ہے۔کرناٹک ضلع یادگیر کے تعلقہ وڈگرہ کے سرکاری اسپتال کے ڈاکٹر ریڈی نے میڈیا سے بات کرتے ہوئے کہا کہ وڈگرہ سرکاری اسپتال میں صرف کووڈ ٹیسٹ کی سہولت ہے۔کووڈ متاثرین کو شاہ پور سرکاری اسپتال روانہ کیا جا رہا ہے۔

اس کے علاوہ زیادہ تر متاثرہ مریضوں کو یادگیر کے کووڈ سرکاری ہسپتال بھیجا جا رہا ہے۔ انہوں نے کہا کہ کووڈ سرکاری اسپتال میں ڈاکٹرز اور طبی عملہ کی کمی ہے۔ خاص کر بچوں کے ماہر ڈاکٹر کی ضرورت ہے۔

انہوں نے کہا کہ یادگیر ڈسٹرکٹ ہیلتھ آفیسر سے ہم نے طبی عملہ کے تقررات سے متعلق بات کی گئی ہے۔ ڈسٹرکٹ ہیلتھ آفیسر نے بہت جلد اس مسئلہ کو حل کرنے کی یقین دہانی کرائی ہے۔