یادگیر: احمد پٹیل کے انتقال پر تعزیتی اجلاس

ریاست کرناٹک میں ضلع یادگیر کے کانگریس دفتر میں آج پارٹی کے سینئر رہنما احمد پٹیل کے انتقال پر ایک تعزیتی اجلاس منعقد کیا گیا۔

یادگیر میں کانگریس دفتر پر آج احمد پٹیل کی یاد میں ایک تعزیتی اجلاس منعقد کیا گیا جس میں انہیں بھرپور خراج پیش کیا گیا اور احمد پٹیل کے انتقال کو پارٹی کےلیے بڑا نقصان قرار دیا۔

اس موقع پر سابق رکن قانون ساز کونسل تنور چنا ریڈی نے کہا کہ سینئر رہنما احمد پٹیل کانگریس پارٹی کے ایک اہم ستون تھے، موجودہ حالات میں پارٹی سے اس طرح ایک سینئر رہنما کا ہم سے جدا ہونا بہت بڑا نقصان ہے۔

ریاستی یوتھ سیکریٹری رگھوویندر نے کہا کہ احمد پٹیل ایک خاموش خدمت گذار کی حیثیت سے زندگی بھر کانگریس کی خدمت کرتے رہے اور تعزیتی اجلاس میں شیخ ظہیر الدین، باشاہ میاں، سرینواس ریڈی کے علاوہ دیگر پارٹی ارکان نے شرکت کی۔