کرناٹک کے شمالی مغربی اور ساحلی علاقوں میں یکم اگست سے جاری موسلادھار بارش کی وجہ سے ریاست کے 17 اضلاع بری طرح سے متاثر ہوئے ہیں۔
ریاست کے کئی اضلاع میں مانسون کے قہر کی وجہ سے آئندہ 48 گھنٹے کے لیے الرٹ جاری کیا گیا ہے۔
ضلع بلاری میں انتظامیہ کے ذریعے 1.70 لاکھ کیوسیک پانی چھوڑنے کی وجہ سے تنگبھدرا ندی کے ساحل پر موجود عالمی ثقافت ورثہ ہمپی ڈوب گیا ہے۔
افسروں کا کہنا ہے کہ ضلع انتظامیہ نے ندی کے ساحل کے اطراف میں رہنے والوں کو محفوظ مقامات پر منتقل ہونے کو کہا ہے کیونکہ گذشتہ ایک ہفتے میں مغربی گھاٹ میں بھاری بارش کی وجہ سے دو لاکھ کیوسیک سے مزید پانی آنے پر تنگبھدرا کے سبھی گیٹ کھول دیے گئے ہیں۔
پانی ہمپی میں داخل ہوگیا ہے جبکہ کانپلی قلعے کے سامنے والا انجنیئے مندر ڈوب گیا ہے۔
افسروں نے سیاحوں کو ہمپی سے چلے جانے کو کہا ہے۔ ضلع بلاری اور کوپپالک میں ندی کے ساحلوں کے نچلے حصے میں رہنے والے لوگوں کو محفوظ مقامات پر پہنچانے کے لیے ضروری قدم اٹھائے گئے ہیں۔