خواتین اپنی اہمیت کو سمجھیں: للیتا انپور

کرناٹک بی جے پی کی مہیلا مورچہ کی نائب صدر للیتا انپور نے کہا کہ گھر سے ملی آزادی کو خواتین کو غلط استعمال نہیں کرنا چاہیئے۔ بلکہ ہمیں اپنی تہذیب و ثفافت کو مدنظر رکھتے ہوئے اپنے حقوق کا استعمال کرنا چاہیئے۔

عالمی یوم خواتین کے موقع پر مہیلا مورچہ کی ریاستی نائب صدر للیتا انپور نے میڈیا سے بات کرتے ہوئے کہا کہ عالمی یوم خواتین کے موقع پر تمام خواتین کو مبارکباد پیش کی۔

انہوں نے کہا کہ اس موقع پر میں یہ کہنا چاہتی ہوں کہ جن سرپرستوں نے اپنے بچوں کو اور خواتین کو آزادی دی ہے، ان کی اس رعایت کا استحصال نہ کریں۔ آپ کسی بھی دھرم وسماج سےتعلق رکھتی ہوں مگر اپنی اپنی تہذیب، خاندان کی عزت کا بھرپور خیال رکھنا چاہیئے۔

عائشہ کی خودکشی کے سوال پر انہوں نے کہا کہ کوئی بھی آدمی اگر کسی عورت کو تکلیف دے رہا ہے تو اس کے لیے قانون کا سہارا لیںا چاہیئے۔

حکومت نے عورتوں کے لیے خاص طور پر مہیلا پولیس اسٹیشن قائم کیا ہے۔ عورتیں اپنے اوپر ہو رہے ظلم و زیادتی کے لئے اپنے سرپرستوں اور سماج کے بڑے لوگوں سے مل کر اپنے مسائل حل کریں۔ اس طرح خود کشی کرنا ایک جرم ہے۔ یہ کمزور لوگوں کی علامت ہے۔

انہوں نے خواتین کو خود کفیل بننے پر بھی زور دیا۔