Free Bus Ride For Women کرناٹک میں مفت سفر کو لے کر خواتین میں خوشی کی لہر

ریاست کے مختلف اضلاع میں کانگریس کی قیادت والی حکومت کی جانب سے خواتین کے لئے مفت بس خدمات کی سہولیات فراہم کرنے پر خواتین نے خوشی کا اظہار کیا ہے اور حکومت کا شکریہ ادا کیا

بیدر: ریاستی حکومت کے شکتی پروجیکٹ کے آغاز کے اگلے ہی دن پورے ضلع میں خواتین کی جانب سے مثبت ردعمل سامنے آیا ہے۔ریاستی روڈ ٹرانسپورٹ کارپوریشن کی بسوں میں خواتین کے لیے مفت سفر کی سہولت کے پہلے دن ہی بسوں میں خواتین مسافروں کی تعداد زیادہ دیکھی جا رہی ہے۔ کلیان کرناٹک روڈ ٹرانسپورٹ کارپوریشن کے بیدر ڈویژن کے تحت تمام بسوں میں خواتین مسافروں کی تعداد میں اصافہ دیکھا گیا۔
بیدر ڈویژن سے روزانہ 430 بسیں ضلع کے تمام تعلقہ مراکز، گاؤں اور بین اضلاع کے لیے چلتی ہیں۔خواتین نے حکومت کا شکریہ ادا کرتے ہوئے کہاکہ حکومت کے اس منصوبے کا خیرمقدم کرتے ہیں۔ تمام بسوں میں خواتین نے بڑی تعداد میں سفر کر رہی ہیں مسافروں کی تعداد بڑھنے سے ضلع میں 50 اضافی بسیں چلائی گئی ہیں۔ ٹرانسپورٹ ایجنسی کے عہدیداروں نے کہا کہ آنے والے دنوں میں مزید اضافی بسوں کی ضرورت پڑسکتی ہے۔
شکتی اسکیم کے آغاز کے بارے میں جان کر خواتین نے سرکاری بسوں میں سفر کرنے کا فیصلہ کیا ہے۔ پہلے وہ کہیں جانا چاہتے تھے تو ٹرانسپورٹ کمپنی کی بسوں کے ساتھ آٹو، کروزر، ٹینٹم سمیت دیگر پرائیویٹ گاڑیوں میں سفر کرتے تھے۔

تاہم خواتین مسافر نجی گاڑیوں کا رخ نہیں کر رہی ہیں کیونکہ سرکاری بسوں میں مفت سفر کی سہولت دی گئی ہے۔ خواہ کتنی ہی دیر ہو جائے خواتین کو سرکاری بسوں کا انتظار کرتے اور انہی بسوں میں سفر کرنے کو ترجیح دیتے دیکھا جارہا ہے۔