'ہمیں ہر حال میں ہندو مسلم اتحاد کو برقرار رکھنا ہوگا'

کرناٹک کے شہر بنگلور میں سماجی کارکن و ماہر تعلیم نواب جان قریشی کی جانب سے ملک کی خیر سگالی کے لیے منعقدہ تقریب میں علماء کرام اور ہندو مذہب کے پیشواؤں کو بھی مدعو کیا گیا۔

اس موقع پر ہندو مذہب کے پیشوا اور مقامی شیوا مندر کے پجاری راج شیکھر شرما نے اپنے ساتھیوں کے ہمراہ اس تقریب میں نہایت خوشدلی سے شرکت کی اور مُسلم و ہندو برادری میں زمانوں سے جاری فرقہ وارانہ ہم آہنگی کو مزید مضبوط کرنے کی بات کی۔

سوامی راج شیکھر شرما نے تمام مذاہب کے لوگوں سے اپیل کی ہے کہ 'سبھی کو چاہیے کہ ہم سب ہر حال میں متحد رہیں اور پرستوں کہ سازشوں کا نشانہ نہ بنیں بلکہ آپسی بھائی چارے کو ہمیشہ بحال رکھیں کیونکہ ہم سبھی ایک خاندان کی طرح ہیں اور اس کنبے کی خوش حالی اسی میں ہے کہ ہم کبھی جھگڑیں نہیں'۔

انھوں نے کہا کہ 'ہندو، مسلم، عیسائی ہم سب کے لیے برابر ہیں، ہم سب بھارتیہ ہیں ہم میں دھرم یا جاتی کے متعلق کوئی بھید بھاو نہیں ہے سبھی ہمارے لیے ایک ہیں'۔

اس موقع پر ماہر تعلیم نواب جان قریشی نے کہا کہ 'بھارت کی یہ روایت رہی کہ یہاں ابتدأ سے ہی ہندوو، مسلم اتحاد کے ساتھ رہتے آرہے ہیں اور یہ ہمیشہ رہنا چاہیے'۔