گھر میں ہی نماز ادا کرنے کی اپیل

وقف بورڈ کرناٹک نے لوگوں کو گھر میں نماز ادا کرنے کی ہدایت جاری کی۔

کورونا وائرس کے پیش نظر کرناٹک میں محکمہ اقلیتی فلاح و بہبود حج اور وقف حکومت کرناٹکا کے سیکریٹری اے بی ابراہیم کی جانب سے ایک آرڈر جاری کیا گیا ہے۔

وقف بورڈ یادگیر کے سرویر ارشاد پٹیل نے ای ٹی وی بھارت کو بتایا کہ حکومت کرناٹکا کی جانب سے جاری کردہ آڈر کے مطابق 'ریاست میں سبھی لوگوں سے اپیل کی گئی ہے کہ وہ اپنے گھروں میں ہی نماز ادا کریں'۔

انہوں نے مزید کہا 'محکمہ اقلیتی فلاح بہبود حج و وقف کے سیکریٹری اے بی ابراہیم صاحب کی اطلاع کے مطابق ہم نے وقف بورڈ کی جانب سے شہر کے تمام مساجد کے صدر اور سیکرٹری صاحبان تک اس حکم نامے کی کاپی پہنچا دی گئی ہے'۔

وقف بورڈ یادگیر کی اپیل

اس آرڈر میں عوام سے اپنے اپنے گھروں میں ہی پانچ وقت کی نماز ادا کرنے کی اپیل کی گئی ہے۔

دنیا بھر میں اس کورونا وائرس کا قہر جاری ہے، پوری دنیا میں اب تک 18 ہزار سے زائد لوگ ہلاک ہو چکے ہیں جبکہ بھارت میں کووڈ 19 سے اب تک 11 افراد ہلاک ہو چکے ہیں۔

اس کے ساتھ ہی گذشتہ روز وزیر اعظم نرندر مودی نے ملک بھر میں لاک ڈاؤن کے نفاذ کا اعلان کیا تھا، جس کے بعد ملک بھر میں 14 اپریل تک لاک ڈاؤن جاری رہے گا۔