کرناٹک میں برسراقتدار بی جے پی حکومت کو اقتدار میں رہنے کے لیے کم از کم چھ نشستوں پر کامیابی حاصل کرنا ضروری ہے۔
کرناٹک کے 15 اسمبلی سیٹوں پر ضمنی انتخابات کے لیے آج صبح سات بجے سے سخت سکیورٹی کے درمیان پولنگ شروع ہوئی جو جو شام چھ بجے تک جاری رہے گی۔
اس ضمنی انتخابات میں نااہل قرار دیئے گئے 17ارکان اسمبلی میں سے 15 باغی ارکان مقابلہ کررہے ہیں ۔
جہاں بی جے پی کو 244 رکنی اسمبلی میں اکثریت قائم رکھنے کے لیے کم سے کم 6نشستوں پر کامیابی حاصل کرنی ضروری ہوگی ۔
حالانکہ بی جے پی نے ان تمام 15باغی امیدواروں کو ٹکٹ دیا ہے جن کی نااہلی کو سپریم کورٹ نے برقرار رکھتے ہوئے انہیں ضمنی انتخابات میں حصہ لینے کی اجازت دے دی تھی ۔
یہ وہی امیدوار ہیں جنہوں نے کانگریس اور جنتادل (ایس) کی مخلوط حکومت کے دوران بغاوت کردی تھی جس کی وجہ سے جنتادل اور کانگریس کی اتحاد والی حکومت گرگئی تھی اور اس کے بعد بی جے پی واپس اقتدار حاصل کرنے میں کامیاب ہوگئی ۔
