لاک ڈاؤن میں اشیائے ضروریہ کی قیمتوں میں اضافہ

کرناٹک میں ریاستی حکومت نے 14 دن کا لاک ڈاؤن نافذ کیا ہے۔ اس دوران اشیائے ضروریہ کی قیمتیں آسمان چھورہی ہے۔

ریاست کرناٹک میں کورونا کے کیسز میں تیزی سے ہورہے اضافے کے سبب ریاستی حکومت نے 14 دن کا لاک ڈاؤن نافذ کیا ہے۔اس دوران میڈیکل اور دوا خانوں کے تمام دکانوں کو کھولنے کی اجازت دی گئی ہے جبکہ اشیائے ضروریہ کی خرید و فروخت کے لیے صبح 6 بجے سے 10 بجے تک کا وقت مقرر کیا گیا ہے۔

کورونا کے اس نئے گائیڈ لائن کے مطابق شہر یادگیر میں آج صبح لوگ اشیائے ضروریہ کی دکانوں میں ضروریات زندگی کی اشیاء خریدتے نظر آئے۔ وہیں دیگر لوگوں کا کہنا ہے کہ اس مختصر وقفے میں دوکاندار من مانی قیمتیں وصول کر رہے ہیں جبکہ سبزی اور فروٹ کی قیمتیں آسمان چھو رہی ہے۔