پٹرول ڈیزل اور گیس کی قیمتوں میں اضافہ کے خلاف احتجاج

ریاست کرناٹک کے گلبرگہ شہر میں کنڑیگار سینا تنظیم کی جانب سے یہاں ضلع افسران آفیس کے سامنے مرکزی حکومت کے خلاف احتجاج کیاگیا۔

کنڑیگار سینا تنظیم کے صدر امرت سی پاٹل نے کہا کہ پٹرول ڈیزل گیس کی قیمتوں میں مسلسل اضافہ ہوتا ہی جارہا ہے۔ ملک بھر میں عوام پہلے کورونا لاک ڈاون سے پریشان ہیں۔

امرت سی پاٹل نے کہا کہ 'ایسے حالات میں مرکزی حکومت کی جانب سے روزمرہ کے ضروری اشیاء کی قیمتوں میں اضافہ کرتی ہی جارہی ہے، نریندر مودی نے ملک کے کئی نوجوان کو نوکریاں دینے کی بات کہی تھی، مگر عوام کو نوکریوں سے نکالا جارہا ہے۔

ملک میں اعلی تعلیم یافتہ افراد بے روزگار ہوچکے ہیں۔ہر چیزوں کی قیمت میں اضافہ ہوتا جارہا ہے۔مگر اس ملک کی جی ڈی پی میں اضافہ نہیں دیکھا جارہا ہے ۔پٹرول ڈیزل گیس کی قیمتوں کو کم کرنے کا مطالبہ کر تے ہو ئے وزیر اعظم کو میمورنڈم پیش کیا گیا ۔