'این آر سی کے نام پر ہراساں کرنا مناسب نہیں'

ہرملک چند سال رہنے کے بعد شہریت دیتا ہے مگر شہریت کے نام پر لوگوں کو ہراساں کرنا مناسب نہیں ہے۔

ریاست کرناٹک کے وزیر داخلہ کے بسوراج بومای کے این آر سی نافذ کرنے کے بیان کو لے کر مختلف تنظیموں نے مذمت کی ہے۔

بیدر شہر کی تنظیم 'آل انڈیا مسلم سنگھرش سمیتی' کے صدر ڈاکٹر اے کے قادری نے ای ٹی وی بھارت سے بات کرتے ہوئے کہا کہ 'ساری زمین اللہ تعالی کی بنائی ہوئی ہے۔ ہرملک چند سال رہنے کے بعد شہریت دیتا ہے مگر شہریت کے نام پر لوگوں کو ہراساں کرنا مناسب نہیں۔

انہوں نے کہا کہ 'آل انڈیا مسلم سنگھرش سمیتی' ریاست کرناٹک کے بی جے پی حکومت کے وزیر براج وہمی کے کرناٹک میں ین آر سی( نیشنل رجسٹر آف سیٹیزنس) نافذ کرنے کے بیان کی مذمت کرتی ہے۔'

انہوں نے حکومت سے مطالبہ کرتے ہوئے کہا کہ 'ملک کی ترقی کے لئے کام کریں۔ ملک کے کسانوں کے مسائل کو حل کرنے کی کوشش کریں جو وقت کی اہم ضرورت ہے۔'