عرس کے موقع پر بادی منزل بڑی مسجد مومن پورہ سے جلوس صندل مبارک نکالا گیا۔اس موقع پردرگاہ کے متولی شاہ محمد منہاج بادی نے کہا کہ حضرت شاہ پیر بہاؤالدین عرف لنگوٹ بند سلسلہ چشتیہ کے باکمال بزرگ ہیں۔
حضرت لنگوٹ بند کی درگاہ قومی یکجہتی کی مثال ہے ۔یہاں عرس کے موقع پر بلا تفریق ہندو مسلم اور دیگر مذاہب کے لوگ بڑی تعداد میں شرکت کرتے ہیں۔
ہر سال عرس کے موقع پر دیگر تقریبات کا اہتمام کیا جاتا ہے ۔اس سال بھی یکم فروری 2021 بروز پیر کو جشن چراغاں بعد نماز مغرب روشن کیے جائیں گے ۔ رات 9 بجے جلسہ بعنوان فیضان اولیا منعقد ہوگا۔
جلسہ کی سرپرستی حضرت سید شاہ حسن شبیر محمد محمد الحسینی عقیل بابا سجاد نشین بارہ حضرت گنج بخش گلبرگہ شریف کریں گے اور سجادگان، صوفیاء و مشائخین عظام وعلمائے کرام مہمان خصوصی ہوں گے۔
جلسہ کی سرپرستی حضرت سید شاہ حسن شبیر محمد محمد الحسینی حضرت علامہ مولانا حافظ قاری الشاہ محمد شاکر علی نوری امیر عالمی تحریک سنی دعوت اسلامی خطاب کریں گے ۔2 فروری کو بعد نماز فجر زیارت، فاتحہ و تبرکات تقسیم کیے جائیں گے۔