بیدر میں اردو اخبارات کے مستقبل کو لیکر ایجنٹس اور اخبار فروش متفکر ہیں۔
اس سلسلہ میں محمد حبیب الدین الحق نیوز پیپر ایجنسی بیدر نے ای ٹی وی بھارت سے بات کرتے ہوئے بتایا کہ شہر بیدر میں اردو اخبارات کی فروخت میں دن بہ دن کمی واقع ہو رہی ہے۔
عمر رسیدہ افراد ہی اردواخبارات خرید رہے ہیں. نوجوان نسل تو موبائل میں اردو اخبارات کی پی ڈی ایف فائل ہی میں اردو اخبارات پڑھ رہے ہیں.
انہوں نے کہا کہ میں پچھلے 25 سالوں سے اردو اخبارات وہ رسائل و جرائد فروخت کررہا ہوں لیکن موجودہ صورتحال دیکھ کر کافی دکھ ہوتا ہے.
انہوں نے شہر کے اقلیتی تعلیمی اداروں کی ذمہ داران، شعراء و ادباء اور اردو مدارس کے اساتذہ جو ہزاروں کی تعداد میں ہے ان سے صرف ایک اردو اخبار خریدنے کی اپیل کی ہے.
واضح رہے کہ شہر بیدر میں حیدرآباد سے آنے والے اخبارات روزنامہ سیاست، راشٹریہ سہارا، گواہ، روزنامہ منصف، رہنماے دکن، دعوت دہلی کے علاوہ شہر بیدر سے3 اردو اخبارات شائع ہوتے ہیں جن میں روزنامہ حیدرآباد کرناٹک، ادبی عکاس، سرخ زمین شامل ہیں
