محکمہ خاندان بہبود اور محکمہ فلاح و بہبود خواتین و اطفال کے اشتراک سے 22 جنوری سے ضلع گلبرگہ میں 31 جنوری تک ٹرپل ڈرگ تھراپی مہم چلائی جائے گی۔
ضلع صحت آفیسر ڈاکٹر راج شیکھر مالی نے کہا ہے کہ اس پروگرام کے تحت ضلع گلبرگہ میں تمام تعلق جات کے جملہ افراد کا احاطہ کیا جائے گا۔ بڑے پیمانے پر دوا دینے کے تحت ہیلتھ ورکرز کی موجودگی میں آبادی کے افراد کو تین دوائیں دی جائیں گی۔
اس مقصد کی تکمیل کے لیے ضلع کے تمام تعلق جات میں ہزاروں ہیلتھ ورکرز کی تعیناتی عمل میں لائی جا چکی ہے۔ یہ ہیلتھ ورکرز ہر خاندان کے گھر جائیں گے اور اپنی موجودگی میں انھیں تین دوائیں کھانا کھانے کے بعد کھانے کے لئے دیں گے۔ ان ہیلتھ ورکرز میں آشا ورکرز اور آنگن واڑی ورکرز بھی شامل رہیں گے۔
جملہ دس دنوں کی مہم میں ضلع بھر کے لاکھوں گھروں پر ہیلتھ ورکرس دوائیں لے کر پہنچیں گے۔ اسکیم کی نگرانی کے لئے 300 سپر وائزرس بھی مقرر کردیے گئے ہیں۔
