ہاتھرس گینگ ریپ کے ملزمین کو سزائے موت دینے کا مطالبہ

ریاست کرناٹک کے ضلع یادگیر میں کرناٹکا ٹیپوسلطان یوتھ کمیٹی کے ریاستی صدر ارشد دکنی نے کہا کہ اترپردیش میں پیش آئے دردناک عصمت ریزی واقعہ کی ہم مذمت کرتے ہیں اوراترپردیش حکومت سے اپیل کرتے ہیں کہ لڑکی کی عصمت ریزی کرنے والوں کو سزائے موت دی جائے۔

ارشد دکنی نے کہا کہ ہاتھرس معاملے میں جو کوئی بھی شامل ہیں، ان تمام لوگوں کو سخت سے سخت سزا دی جائے۔

انہوں نے مزید کہا کہ ذات پات کی سیاست کرنے والوں کے خلاف سخت کارروائی کی جائے۔

ارشد دکنی نے کہا کہ سماج میں امن اور شانتی ہو ملک میں خواتین کی عزت محفوظ ہو اور عصمت ریزی کرنے والوں کے خلاف سخت قانون بناتے ہوئے انہیں پھانسی دی جانی چاہیے۔