کرناٹک کے وزیر اعلی بسواراج بومئی نے انتہا پسند تنظیم پیپلز فرنٹ آف انڈیا (پی ایف آئی) پر پابندی لگانے کی درخواست کی ہے۔ Karnataka CM on PFI بومئی نے کہا کہ پی ایف آئی پر پابندی لگانے کا وقت آ گیا ہے۔ ان کا یہ بیان ایسے وقت میں آیا ہے جب ہندو تنظیموں کے کارکنوں نے ریاست میں بھارتیہ جنتا پارٹی کی حکومت کی ہندوؤں کے تحفظ میں ناکامی پر برہمی کا اظہار کیا تھا، جن میں نوجوان رہنما پروین نیتارو بھی شامل تھے۔
انھوں نے کہا "یقیناً اس (پی ایف آئی) پر پابندی لگنی چاہیے،" وزیر اعلیٰ نے ایک معروف انگریزی قومی نیوز چینل کو انٹرویو دیتے ہوئے کہا۔ پی ایف آئی پر پابندی لگانے کی وجہ بتاتے ہوئے انہوں نے کہا کہ پی ایف آئی سیاسی کارکنوں کو مارنے کے علاوہ ملک مخالف سرگرمیوں میں ملوث رہی ہے اور کیرالہ اور اتر پردیش سمیت کئی ریاستوں میں پھیل رہی ہے۔ نیز پی ایف آئی فرقہ وارانہ تشدد کو ہوا دے رہی ہے۔
انہوں نے کہاکہ '’اگر آپ ان کی سرگرمیوں پر نظر ڈالیں تو وہ سرگرمیاں ملک دشمن اور فرقہ وارانہ تشدد کو جنم دینے والی ہیں۔ انہوں نے قتل جیسی کئی کارروائی کی ہے جس کے لیے ہم نے ان کے خلاف مقدمہ درج کر لیا ہے۔ یہ کام وہ کانگریس کے دور میں بڑے پیمانے پر کر رہے تھے۔ اب ہم نے ان پر قابو پالیا ہے۔ انہوں نے کیرالہ سے کرناٹک اور اتر پردیش تک دیگر ریاستوں میں اپنے بازو پھیلا رکھے ہیں۔ اب وقت آگیا ہے کہ ان پر بہت سنجیدگی سے پابندی لگائی جائے۔"
بومئی نے کہا کہ پی ایف آئی جیسی تنظیموں کو روکنے کے لیے ایک جامع قانون سازی کی ضرورت ہے، بصورت دیگر وہ موجودہ قوانین کی دفعات کے تحت آزاد ہو جائیں گی۔ "پابندی کے کچھ اصول اور طریقہ کار ہیں۔ ریاستوں کی طرف سے منتخب پابندیوں کو عدالتوں نے ختم کر دیا ہے۔ اس لیے ان کے خلاف پابندیوں کے تمام پہلوؤں کو مدنظر رکھتے ہوئے ایک جامع قانون نافذ کیا جانا چاہیے۔‘‘
یہ پوچھے جانے پر کہ کیا انہوں نے مرکزی وزیر داخلہ امت شاہ کے ساتھ پی ایف آئی پر پابندی لگانے کے معاملے پر بات چیت کی ہے، بومئی نے دہرایا، "ایسا کرنے کا ایک یقینی طریقہ ہے۔ بصورت دیگر یہ عدالتوں کی زد میں آجائے گا۔ جب کوئی کارروائی کی جاتی ہے تو اسے برقرار رکھنے کے لیے قانون کی پشت پناہی بہت ضروری ہے۔ یہ صرف اس کے لیے نہیں ہے۔ ایکشن ضروری ہے اور یہ صحیح قسم کی قانون سازی کے ذریعے ہی کیا جاتا ہے۔ مجھے لگتا ہے کہ اس کی پیروی کی جارہی ہے۔"
