ماہ ذی الحجہ کی کیا فضیلت ہے؟

کرناٹک میں ماہ ذی الحجہ کی فضیلت کے حوالے سے مفتی شیخ فرید الدین رحمانی نے ای ٹی وی بھارت سے خصوصی گفتگو کی۔

کرناٹک میں مفتی شیخ فرید الدین رحمانی نے ای ٹی وی بھارت سے خصوصی گفتگو کرتے ہوئے کہا کہ اسلامی اعتبار سے ماہ رمضان کے بعد اگر کوئی مہینہ مبارک و معتبر، با برکت ہے تو وہ ہے ماہ ذی الحجہ۔ اس ماہ میں نوایام جو ہیں وہ کافی فضیلت والے ہیں

انہوں نے کہا کہ اس ماہ کی تمام تر خصوصیات کافی اہمیت والی ہیں۔ انہوں نے کہا کہ اس ماہ میں تمام عبادتوں کو شامل کیا گیا ہے جیسے نماز روزہ قربانی اور حج شامل ہے۔

انہوں نے کہا کہ عرفہ کا روزہ رکھنے سے متعلق کہا جاتا ہے کہ اس روزہ سے پچھلے ایک سال کے گناہ معاف کیے جاتے ہیں۔