یادگیر: سڑک کی خستہ حالی سے عوام پریشان

مقامی باشندہ اوم پرکاش نے گاندھی چوک سے رنگ محل جانے والی اس سڑک کو جلد از جلد درست کرنے اور سڑک کے دونوں جانب صاف و صفائی کرانےکا مطالبہ کیا ہے۔

ریاست کرناٹک کے ضلع یادگیر میں گاندھی چوک سے رنگ محل۔پٹیل واڑی جانے والی سڑک نہایت خستہ حالی کا شکار ہے۔

جہاں سے لوگوں کو چلنے میں دشواریوں کے ساتھ ساتھ سڑک سے متصل مکانات میں رہنے والے لوگوں کو بھی آمد و رفت میں کافی دشواریوں کا سامنا کرنا پڑ رہا ہے۔

مقامی باشندہ ملیکا ارجن نے بتایا کہ کئی برسوں سے اس سڑک کی حالت اسی طرح ہے۔

بارش کے دنوں میں یہ سڑک مزید خراب ہو جاتی ہے جس کی وجہ سے لوگوں کو چلنے پھرنے میں کافی دشواریاں ہوتی ہیں۔ انہوں نے محکمہ بلدیہ اور رکن اسمبلی یادگیر وینکٹ ریڈی سے اپیل کرتے ہوئے کہا کہ جلد از جلد اس سڑک کی درستگی کی جائے۔ایک اور مقامی باشندہ اوم پرکاش نے بھی گاندھی چوک سے رنگ محل جانے والی اس سڑک کو جلد از جلد درست کرنے اور سڑک کے دونوں جانب صاف و صفائی کرانے کی اپیل کی ہے۔