کرناٹک میں کوروناکے مریضوں کی تعداد 443 ہوئی

ریاست کرناٹک میں کورونا وائرس (كووڈ -19) انفیکشن کے 16 نئے مریض سامنے آنے کے ساتھ ہی متاثرین کی تعداد بڑھ کر 443 ہو گئی ہے۔

سرکاری ذرائع نے جمعرات کو بتایا کہ نئے معاملات میں سے نو بنگلور، دو دو منڈيا، دھارواڑ اور وجے پورہ اور ایک ایک بنٹوال اور جنوبی کناڈا ضلع سے ہے۔ نئے مریضوں میں پانچ خواتین بھی شامل ہیں۔

وجے پورہ میں متاثرہ ایک 25 سالہ خاتون کے علاوہ تمام نئے مریض اپنے خاندان کے کسی رکن یا قریبی شخص کے رابطے میں آنے سے متاثر ہوئے ہیں۔

ریاست میں کورونا وائرس سے مرنے والوں کی تعداد 17 ہو گئی ہے اور اب تک 141 لوگ علاج کے بعد صحتیاب ہو ئے ہیں۔