کلبرگی انتظامیہ نے لاک ڈاؤن کا حکم واپس لیا

کرناٹک میں وزیراعلی بی ایس یدی یورپا کے کل کے حکم کے بعد کلبرگی ضلع انتظامیہ نے 27 جولائی تک لاک ڈاؤن میں اضافہ کئے جانے کے حکم کو واپس لے لیا ہے۔

کلبرگی کے ڈپٹی کمشنر بی شرت نے کہا کہ منگل کی دیر رات بات چیت کے بعد وزیراعلی کے حکم کی بنیاد پر بدھ کو لاک ڈاؤن کا حکم واپس لے لیا گیا ہے۔

انہوں نے واضح کیا کہ لاک ڈاؤن کچھ شرائط کے ساتھ واپس لے لیا گیا ہے اور سیل کئے گئے علاقوں میں پابندیاں جاری رہیں گی۔ انہوں نے لوگوں سے سماجی دوری بنائے رکھنے اور خود کی حفاظت کے لئے احتیاطی اقدام اٹھانے کی اپیل کی ہے۔

اس دوران کلبرگی میں منگل کو انفیکشن کے 99 معاملے سامنے آئے جس کے بعد ضلع میں متاثرین کی تعداد 2966 ہوگئی ہے۔ اس میں 1092 فعال معاملے ہیں، 1826 لوگ صحت مند ہوئے ہیںاور 46 لوگوں کی اموات ہوچکی ہیں۔