'یوم عرفہ' دعا کی قبولیت کا دن

ریاست کرناٹک کے ضلع یادگیر کے عالم دین مولانا مفتی سمیع الدین قاسمی نے کہا کہ 'یوم عرفہ دعا کی قبولیت کا دن ہے، اس لیے اس دن دعا کرنا چاہئے۔'

انہوں ںے علاقے کے تمام مسلمانوں سے اپیل کی ہے کہ اس تاریخ کو نفل روزے کا خصوصی اہتمام کریں اور پورے دن خاص طور پر افطار کے وقت موجودہ عالمی وباء کورونا وائرس سے انسانیت کی حفاظت کی دعا کریں۔

عید الاضحی کی نماز سماجی فاصلے کی رعایت کے ساتھ اور حکومت کی ہدایت کی پابندی کرتے ہوئے ضرور ادا کریں۔

حکومت کی طرف سے محدود تعداد میں ہی سہی مساجد میں نماز ادا کرنے کی اجازت ہے۔

جن لوگوں پر قربانی واجب ہے ان کے لئے قربانی کرنا ہی واجب ہے، صدقہ کرنا کافی نہیں اسی لئے قربانی کا اہتمام کریں۔

البتہ اس میں سرکاری ہدایت کا لحاظ رکھیں۔

کھلے میں جانور ذبح کرنے سے پرہیز کریں اور گندگی نہ پھیلائیں ۔