یادگیر: زرعی مہم کا آغاز

ریاست کرناٹک کے ضلع یادگیر کے رکن اسمبلی وینکٹ ریڈی نے کہا کہ کسان زمانۂ قدیم سے پرانی روایتوں پر چل کر اپنی کاشت کاری کررہے ہیں- وہیں پرانے آلات، محدود وسائل اورعدم معلومات کی بنیاد پر کئی بار کسانوں کو مشکلات کا سامنا کرنا پڑتا ہے۔

انہوں نے کہا کہ حکومت کی جانب سے کسانوں کو فصل سے متعلق معلومات اور جدید ٹیکنالوجی کے ساتھ زراعت کرنے کے لئے مختلف اسکیموں کو شروع کیا گیا ہے۔

انہوں نے کہا کہ کسان طبقہ کو زراعت کے کاموں میں جدید ٹیکنالوجی کو استعمال کرنے کی ضرورت ہے۔ جدید ٹیکنالوجی کے استعمال سے اچھی فصلوں کے حصول میں بڑی مدد ملتی ہے۔ اچھی فصل کے حصول کے تعلق سے کسانوں میں شعور بیداری کے لیے کریشی ابھیان کا آغاز کیا گیا۔

کسان طبقات کو چاہیے کہ وہ اس سہولت سے استفادہ کرتے ہوئے اچھی فصل تیار کریں۔ انہوں نے کہا کہ کریشی ابھیان کا اہم مقصد یہ ہے کہ کسانوں کو زراعت کے تعلق سے نئی معلومات حاصل ہو۔ پانی کا استعمال اور پودوں کی نگہداشت کے تعلق سے اس ابھیان کے ذریعے کسان معلومات حاصل کر سکتے ہیں۔

رکن اسمبلی وینکٹ ریڈی نے کہا کہ عہدیدار ہر گرام پنچایت کا دورہ کریں گے۔ موبائل اگریکلچر یونٹ کا استعمال کرتے ہوئے کسانوں میں شعور بیداری لائیں گے۔

اس موقع پر اگریکلچر ڈپارٹمنٹ جوائنٹ ڈائریکٹر دیویکا ڈپٹی ڈائریکٹر بلراج و دیگر موجود تھے۔