Tenth Standard Exam Start in Bidar بیدر میں آج سے دسویں جماعت کے امتحانات شروع

ضلع بیدر کے ڈی ڈی پی آئی سلیم پاشا نے نے کہا کہ آج سے ضلع میں دسویں جماعت کے امتحانات شروع ہو گئے ہیں۔ امتحان کے سینٹرز پر تمام تر انتظامات اور سہولیات فراہم کرنے کی کوشش کی گئی ہے تاکہ طلبا کو کسی بھی قسم کی کوئی پریشانی نا ہو۔Tenth Standard Exam Start

بیدر:ریاست کرناٹک کے ضلع بیدر میں دسویں جماعت کے امتحانات شروع ہو رہے ہیں جو 15 اپریل تک جاری رہیں گے۔ بیدر ضلع کے اوراد، بسواکلیان، بھالکی بیدر، ہمناآباد علاقے میں یہ امتحانات منعقد ہوں گے۔ اوراد تعلقہ سے 3632 ، بسواکلیان سے 5581، بھالکی 4477، بیدر سے8090 ، ہمناآباد 6272 طلبہ و طالبات امتحانات میں حصہ لے رہے ہیں۔ اس سال بیدر ضلع میں دسویں جماعت کے امتحانات دینے والے طلبا و طالبات کی تعداد 28052 ہے ان طلباء و طالبات کے لئے ریگولر سنٹر101 اور پر ویٹ سنٹر 7 اس طرح سے 108 سنٹر بنائے گئے ہیں۔طلبا کو سہولیات فراہم کرنے کے لئے انتظامات کئے گئے ہیں۔

ضلع بیدر کے ڈی ڈی پی آئی سلیم پاشا نے کہا کہ امتحانات کو صاف اور شفاف اور نقل مکت کے لئے سی سی ٹی وی کیمرے ہر سنٹر میں لگائے گئے ہیں دیہاتوں کے طلبا و طالبات کے لئے محکہ روڈ ٹرانسپورٹ کارپوریشن نے مفت سفر کی سہولت رکھی ہے طلباوطالبات اپنے ہال ٹکٹ بتا کر بسوں میں سفر کر سکتے ہیں۔

انہوں نے کہاکہ کوویڈ کہ کیسز میں اضافے کو دیکھتے ہوئے ریاستی حکومت کی جانب سے امتحان کے سینٹرز پر خواتین کی تنعیناتی نہیں کی گئی ہے۔اس کے علاوہ طلباء طالبات کو سینٹرز پر تمام سہولیات فراہم کرنے کی کوشش کی جائے گی۔تا کہ امتحان کے دوران انہیں کسی چیز کی کوئی کمی نا ہو اور وہ خوشی خوشی امتحان دے کر اپنے اپنے گھر واپس لوٹ سکے۔