میجر قاسم سلیمانی کو خراج تحسین

شہر کی مسجد عسکری میں انجمن امامیہ کی جانب سے شہدائے عراق کے نام مجلس عزا کا اہتمام کیا گیا، جہاں حال ہی میں عراق میں امریکہ کے حملے میں ہلاک ہوئے میجر جنرل قاسم سلیمانی کو خراج تحسین پیش کیا گیا۔

اجلاس سے خطاب کرتے ہوئے میر علی رضا نے بتایا کہ مرحوم میجر جنرل قاسم سلیمانی نے عالم اسلام کو متحد کرنے کے سلسلے میں کئی کوششیں کیں اور انہوں نے امریکہ و اسرائیل کی پیداکردہ عسکریت پسند تنظیم آئی ایس آئی ایس کے خاتمے میں بڑا رول ادا کیا۔

اس موقع پر مرزا محمد اسماعیل نے سامعین سے مخاطب ہوتے ہوئے کہا کہ 'ہمارے ملک کی موجودہ صورتحال کے پیش نظر مسلمانوں کو چاہیے کہ میجر قاسم سلیمانی کی مثل وطن کی محبت میں ہر قسم کی قربانی پیش کرنے کے لئے تیار رہیں۔'

مجلس عزا کا اہتمام

اس موقع پر علماء کرام و دانشوران نے اس بات پر زور دیا کہ یہ اشد ضروری ہے کہ عالم بھر میں تمام مسلمان ایک پلیٹ فارم پر جمع ہوکر اتحاد کا مظاہرہ کریں کہ اس سے فسطائی و انسانی دشمن طاقتوں کو مات دی جاسکتی ہے۔

مجلس عزا کا اہتمام

اس مجلس میں علمائے کرام کے علاوہ شیعہ جماعت سے تعلق رکھنے والے کئی اہم شخصیات نے شرکت کی۔