اس موقع پر شہر کے اسلامی اسکالر اور سماجی ملی مذہبی رہنماؤں نے مساجد کے مسائل اور تحفظ Tahaffuze Masajidپر روشنی ڈالی۔ اس موقع پر مجلس تعمیر ملت ضلع گلبرگہ کے صدر عبدالجبار گولہ ایڈوکیٹ نے کہا کہ ملک میں بابری مسجد کے فیصلے کے بعد فرقہ پرست تنظیموں کے حوصلے اور بلند ہوئے ہیں۔ آج ملک میں جگہ جگہ مساجد کے نام پر نفر ت کی بیج بونے کی کوشش کی جارہی ہے۔
Tahaffuz Masjid Meeting : گلبرگہ میں مساجد کے تحفظ کے لئے میٹنگ
انہوں نے کہا کہ مسجد اللہ کا گھر ہے۔ ملک میں مسلم بادشاہوں نے کسی بھی مندر کو توڑ کر مسجد تعمیر نہیں کی تھی۔ یہ صرف مسلمانوں کو بدنام کر نے کی سازش ہے۔ مذہب اسلام میں مساجد تعمیر کر نے کے لئے غیر قانونی زمین پر قبضہ نہیں کیا جاتا ہے۔ مسجد کے لئے حق اور جائز طریقے سے مسجد تعمیر کی جاتی ہے۔