Suicide Attempt in Karnataka کرناٹک میں ایک ہی خاندان کے ساتھ افراد کی خودکشی کی کوشش

کرناٹک کے رام نگر میں ایک ہی خاندان کے 7 افراد نے خودکشی کی کوشش کی۔ جن میں سے ایک شخص کی موت واقع ہوگئی۔ بتایا جا رہا ہے کہ یہ خاندان 11 لاکھ کا مقروض تھا۔ Suicide attempt in Ramanagara

رام نگر:ریاست کرناٹک میں قرض میں ڈوبے ایک خاندان کے حوالے سے دل دہلا دینے والا واقعہ سامنے آیا ہے۔ خاندان کے 7 افراد نے خودکشی کی کوشش کی۔ جن میں سے ایک شخص کی موت بھی ہوگئی ہے۔ باقی چھ افراد کو علاج کے لیے اسپتال میں داخل کرایا گیا ہے۔ جہاں تمام افراد کی حالت تشویشناک ہے۔ معلومات کے مطابق رام نگر کے ڈوڈا منڈوگُڈے گاؤں میں ایک ہی خاندان کے 7 افراد نے خودکشی کی کوشش کی۔ 7 افراد میں سے ایک خاتون کی موت ہو گئی ہے اور دیگر 6 افراد ہسپتال میں زیر علاج ہیں۔

ذرائع کے مطابق راجو (31)، بیوی منگلما (28)، راجو کی ساس سولا پوردما (48)، راجو کے بچے آکاش (9)، کرشنا (13) اور منگلا کی بہن سویتا (24)، سویتا کی بیٹی درشنی (4) کے کھانے میں راجو نے زہر ملا دیا تھا۔ 7 افراد میں منگلما کی موت ہوگئی۔ راجو اور اس کا خاندان قرض میں تھا جس کی وجہ سے وہ بنگلور کے سبرپن پلی اپنے آبائی شہر کو چھوڑ کر رام نگر کے گاؤں ڈوڈا منڈوگُڈے آ گئے تھے۔ راجو اپنی بیوی اور بچوں کے ساتھ اپنے سالے کے ساتھ سولا پورہ کے مکان میں رہ رہے تھے۔ بتایا جاتا ہے کہ راجو تقریباً 11 لاکھ کا مقروض تھا۔ الزام سننے میں آیا کہ قرض لینے والے روزانہ گھر آتے اور سود ادا کرکے لاکھوں روپے کا قرض ادا کرنے کے لیے دباؤ ڈالتے تھے۔

بتا دیں کہ جون 2021 میں کرناٹک کے یادگیر میں ایک ہی خاندان کے 6 لوگوں نے مبینہ طور پر خودکشی کر لی تھی۔ پولیس کو شبہ ہوا کہ اس خاندان نے خودکشی کی ہے کیونکہ وہ مقامی ساہوکاروں سے لیے گئے قرضوں کو ادا کرنے سے قاصر تھے۔ پولیس کا کہنا ہے کہ خاندان نے باغبانی کی فصل کے لیے قرض لیا تھا لیکن خاندان فصل اگانے میں ناکام رہا جس کی وجہ سے انہوں نے خودکشی کر لی۔