کرناٹک: مراٹھا ڈیولپمنٹ بورڈ کی تشکیل پر سخت اعتراضات

کرناٹک حکومت کی جانب سے مراٹھا ڈیولپمنٹ بورڈ بنائے جانے پر مختلف تنظیموں کی جانب سے سخت اعتراضات کیے جارہے ہیں۔

ریاست کرناٹک کے ضلع بیدر میں کل ہند مجلس اتحاد المسلمین کے ضلع صدر سید منصور احمد قادری نے میڈیا سے بات کرتے ہوئے کہا کہ ریاست میں دو تین اضلاع میں ضمنی انتخابات کو ذہن میں رکھتے ہوئے ریاستی حکومت نے مراٹھا ڈیولپمنٹ بورڈ اور لنگایت ڈیولپمنٹ بورڈ بنانے کا اعلان کیا ہے۔

انہوں نے کہا کہ مسکی اور بسواکلیان میں مراٹھا اور لینگایت طبقے کو خوش کرنے کے لیے اس طرح کے اعلانات کیے گئے ہیں جو سراسر غلط ہیں۔

منصور احمد قادری نے مزید کہا کہ کسی بھی طبقے کے ڈیولپمنٹ سے قبل سروے کیاجانا چاہیے پھر تمام رہنما ؤں کو اعتماد میں لے کر اس طرح کے اقدامات کرنا چاہیے، مگر ریاستی حکومت صرف آئندہ ہونے والے ضمنی انتخابات کو ذہن میں رکھ کر اس طرح کے اعلانات کر رہی ہے۔

کل ہند مجلس اتحادالمسلمین شاخ بیدر کی جانب سے ہم حکومت کرناٹک سے اپیل کرتے ہیں کہ یہ دونوں اعلانات واپس لے۔