State Minister Prabhu Chauhan ریاستی وزیرپربھو چوہان نے ترقیاتی کاموں کا معائنہ کیا

ریاستی وزیرحیوانات ورکن اسمبلی اوراد پربھو چوہان نے اوراد اسمبلی حلقہ کے مختلف دیہاتوں کا اچانک دورہ کیا اورمختلف ترقیاتی کاموں کا معائنہ کیا۔

بیدر :ریاستی وزیر حیوانات و رکن اسمبلی اوراد پربھو چوہان نے اوراد اسمبلی حلقہ کے مختلف دیہاتوں کا اچانک دورہ کیا اور مختلف ترقیاتی کاموں کا معائنہ کیا۔ اس موقع پر ریاستی وزیر نے متعلقہ افسران سے کام سے متعلق فون پر رابطہ کیا اور مقررہ مدت میں کام مکمل کرنے اور معیاری کام کرنے کی ہدایت دی۔ ریاستی وزیر نے کہا کہ اسمبلی حلقہ اوراد کی ترقی میرا خواب ہے، میں اس حلقے میں زیادہ سے زیادہ کام کرنا چاہتا ہوں۔ ریاستی حکومت نے بھی اوراد تعلقہ کی ترقی کے لیے ہمیشہ مدد کی ہے۔ جس کے لیے میں ریاستی وزیر اعلی کا شکریہ ادا کرتا ہوں۔

اس موقع پر انہوں نے اوراد تعلقہ کہ مختلف دیہاتوں کے مصیبت زدہ خاندانوں کی امداد کی جس میں محمد حاجی کے افراد خاندان شامل ہے ، جن کا بیماری کے باعث انتقال ہو گیا تھا۔ اور بھی ضرورت مندوں کے گھر جا کر ریاستی وزیر نے لواحقین کو تسلی دی اہل خانہ کے مسائل سے واقفیت حاصل کی اور ذاتی امداد فراہم کی۔انہوں نے کہا کہ میں آپ کی مدد کے لیے ہمیشہ تیار ہوں۔ کوئی بھی مسئلہ ہو بلا جھجک مجھ سے رابطہ قائم کر سکتے ہیں۔

اس موقع پر انہوں نے پریشان حال لوگوں کو یقین دلایا کہ سرکاری اسکیموں کے تحت ضروری سہولیات فراہم کرنے کی کوشش کی جائے گی۔ اس موقع پر بی جے پی پاٹی کے کارکنان شیواجی پاٹل ،انیل برادر، پرتیک چوہان، امیت راٹھوڈا، سچن راٹھوڈا، دھنجے راٹھوڈا، بنٹی رامپورے، شیوانند، شیوکمار ، ناگیش ، راجکمار ، اور دیگر قائدین اس موقع پر موجود تھے۔