اسلام زندہ ہوتا ہے ہر کربلا کے بعد

ضلع یادگیر کے شاہ پور تعلقہ کے الفلاح ایجوکیشن ٹرسٹ کے صدر مولانا اسد باقوی نے ماہِ محرم الحرام کی عظمت و فضیلت سے متعلق ای ٹی وی بھارت سے خصوصی بات چیت کی۔

اس ماہ کی اہمیت اور عظمت حضرت امام حسین کی قربانی اور دینِ حق کی خاطر اپنی جان کو قربان کرنا اسلام کی سربلندی پر مبنی ہے۔

مولانا اسد باقوی نے معاشرے میں موجودہ حالات میں علمِ دین کی اہمیت اور معلومات پر افسوس کا اظہار کرتے ہوئے کہا کہ 'آج ہمیں اسلامی تاریخ کو اپنے زندگیوں میں روبہ عمل لانا ہے۔ آج ہم میں سے کئی ایسے ہیں جنہیں ہجری سن اور تاریخ تک معلوم نہیں ہے۔'

یہ ہمارے لیے بڑے افسوس کی بات ہے کہ ہم اپنی روزمرہ کی زندگی میں اسلامی تاریخ کا ذکر نہیں کرتے ہیں۔

آج ضرورت ہے کہ ہماری زندگی کے ہر معاملات میں ہجری اسلامی تاریخ اور مہینہ درج کریں۔

مولانا مجیب اسد باقوی نے مزید کہا کہ ماہ محرم الحرام سے متعلق لوگوں میں آج بھی معلومات میں کمی ہے۔

علمائے کرام کو چاہیے کہ محرم الحرام کی عظمت اور فضیلت سے متعلق بیان کریں۔