ایک شاعر: کرناٹک کے معروف شاعر و ادیب مبین منور سے خاص بات چیت

مبین منور صاحب Mubeen Munawar کا نام، جنوب ہند کے معروف شعراء و ادباء میں شمار ہوتا ہے۔ مبین منور شہر بنگلور کے قریب تپٹور نامی گاؤں سے تعلق رکھتے ہیں، انکی متعدد تصنیفات ہیں جبکہ انہیں کئی ایوارڈس سے نوازا گیا ہے اور وہ کرناٹک اردو اکیڈمی Karnataka Urdu Academy کے چئیرمین بھی رہے چکے ہیں۔

مبین منور نے ای ٹی وی بھارت سے خصوصی گفتگو کے دوران بتایا کہ بچپن سے ہی انہیں شاعری کا شوق رہا جسے ان کی والدہ ماجدہ نے سیر کیا اور وہ بڑھتے بڑھتے ان کے کلام و اشعار میں وزن پیدا ہوتا گیا۔ مبین منور نے بتایا کہ حالات حاضرہ کے ضمن میں یہ ضروری ہے کہ قلمکار حضرات غیر سازگار حالات کی درستگی کے لیے نہ صرف اپنی آواز بلند کریں بلکہ نوجوانوں کو بھی دستوری اقدار کے تحفظ کے لیے جمہوری اعتبار سے جدوجہد کی طرف راغب کریں۔

انہوں نے بتایا کہ موجودہ دور میں جہاں نفرتیں پھیلائی جارہی ہیں، ہم قلمکاروں کا یہ فریضہ ہے کہ اپنے قلم کے ذریعے محبتیں بانٹیں اور انہوں نے نوجوانوں کو اپنے پیعام میں بھی یہی کہا کہ امن و بھائی چارے کو فروغ دیں تاکہ معاشرہ کا ماحول خوش گوار رہے۔

واضح رہے کہ کرناٹک میں تقریباً دیڑھ سال تک چلی کانگریس اور جے ڈی ایس کی مخلوط حکومت کے دوران مبین منور کرناٹک اردو اکیڈمی Karnataka Urdu Academy کے چیئرمین رہے اور ان کے اس دور میں اکیڈمی نہایت متحرک رہی، کئی پرگرامس و مشاعرے منعقد کئے گئے اور ادباء، شعراء و صحافیوں کو انعامات سے نوازا گیا۔